Madaxweynihii Hore Ee Wadanka Maraykanka Obama Oo Weerar Afka Ah Ku Qaaday Donald Trump.
Madaxweynihii hore ee dalka Maraykanka Barack Obama ayaa si adag u dhaliilay siyaasadda madaxweynaha hadda taladda dalkaasi haya ee Donald Trump,
isaga oo ka codsaday shacabka dalka Maraykanka in ay codkooda siiyaan xisbiga Democrats ka doorashooyinka soo socda ee Congres-ka, isaga oo tilmaamay in loo bahaan yahay in lasoo celiyo sumcadii iyo tixgelintii uu Maraykanku caalamka ku lahaa.
Madaxweynaha oo ka hadlaayey jaamacadda Illinois University ayaa sheegay in waqtigan uu dalka Maraykanku ku nool yahay nolol khatar badan , isaga oo xisbiga Jamhuuriyga ku eedeeyey in ay lumiyeen Isbahaysigii adkaa ee uu Maraykanku ku lahaa adduunka, sidoo kalena uu u gacan geliyey dalka Ruushka.
Waxa kale oo uu ku eedeeyey madaxweyne Obama dawladda waqtigan jirta in ay hoos u dhigeen lacagtii Maraykanka iyo Budget kii dalkaasba, isaga oo sheegay in labadii bilood ee ugu dambaysay madaxweyne Trump si khaldan u adeegsaday sharciga iyo awooda uu lee yahay.
Sidoo kale waxa uu tilmaamay in codka dadku yahay ka loo baahan yahay in dib loogu soo celiyo sumcadda Maraykank iyo Isbahaysi ee Maraykanku adduunka ku lahaa.
Obama ayaa cadeeyey in qaar kamid ahi ay u qaateen in uu ka baxay saaxadda siyaasadda, isaga oo intaas ku daray in aanu doonayn in uu kormeere ka noqdo siyaasadda madaxweyne Trump.
