Somalia iyo Sacuudiga Oo kala Saxiixday Heshiis Dhinaca Xujayda ah.(Sawirro)
Wasiirka Wasaaradda Awqaafta & Arraha Diinta JFS Mudane Sheikh Nur Mohamed Hassan & Wafdi uu Hogaaminayo oo maalmahan Safar shaqo ku joogay magaalada barakaysan ee Makka Al Mukarramah ayaa Shalay kulan la qaatay Madaxda Wasaaradda Xajka & Cumrada Sucuudiga.
Wasiirka wasaaradda Awqaafta & Arrimaha Diinta ayaa xusay caqabadaha Sanadkii hore ay wajaheen xujayda Soomaaliyeed siday Ula Kulmeen Cidhiidhiga Goobaha Teendhooyinka mashaacirta, Ciladaha gaadiidka gaar ahaan kuwa Lagu Tago Goobaha Mashaacirta & Dhibaato iyana ka jirtay Suuliyada oo aad ugu yaraa xujayda soomaaliyeed.
Wasiirka wasaaradda Cajka & cumrada Sucuudiga Dr. Mohamed Salah binu Dahir Bintan ayaa dhankiisa caddeeyay in dowladda Sucuudigu ay Xalinayso dhammaan caqabadaha uu xusay Wasiirka Awqaafta & Arrimaha Diinta ee Somalia isagoo carrabka ku adkeeyay in ay muhiim tahay xoojinta iskaashiga Wanaagsan ee labada wasaaradood.
Gabagabadii, labada wasiir ayaa kala Saxeexday Heshiis Ku Tacaluqa dhanka Xajka Sanadkan iyadoo ay Wasaaraddu dalbatay kordhinta qoondada Xujeyda ka Imanaya Sanandka Soomaaliyeed.
