๐๐๐๐๐ฑ๐ฐ๐๐ฒ๐ง๐๐ก๐ ๐๐๐ ๐จ๐จ ๐๐๐๐ก-๐๐ฎ๐ซ๐๐ฒ ๐๐๐ฒ๐ฒโ๐๐ ๐ค๐ ๐ฌ๐ก๐๐ช๐๐ฒ๐ง ๐๐จ๐จ๐ง๐ญ๐ ๐๐๐๐ฅ๐ ๐๐ฅ๐ข๐ง๐ญ๐ ๐ข๐ฒ๐จ ๐๐ฐ๐จ๐จ๐-๐ฌ๐ข๐ข๐ง๐ญ๐ ๐๐๐ฐ๐๐๐ง๐ค๐ ๐๐จ๐ฆ๐๐ฅ๐ข๐ฅ๐๐ง๐
Madaxweynaha Jamhuuriyadda Somaliland, Mudane Cabdiraxmaan Maxamed Cabdilaahi (Cirro), ayaa si rasmi ah u daah-furay hayyโad ka shaqayn doonta maalgashiga iyo awood siinta haweenka oo lagu magacaaboda WE INVEST.
Munaasibadda daah-furka oo ay madaxweynaha kala qaybgaleen xubno kamid ah golaha wasiirrada, madax ka socotay baananka kala duwan ee dalka ka hawlgasha, hayโado kala duwan, haween iyo marti-sharaf kale, ayaa diiradda lagu saaray muhiimadda ay leedahay in awood la saaryo, lana xoojiyo maalgelinta haweenka iyo kaalinta ay taasi ka qaadanayso koboco dhaqaalaha guud ee dalka.
Xubno kamid ah golaha wasiirrada, haween xilal kala duwan soo qabtay, aqoonyahan, siyaasiyiin iyo ganacsato halkaas ka hadashay, ayaa soo dhaweeyey shaqada hayโaddani qaban doonto iyo baahida loo qabo kobcinta haynta haweenka iyo quweynta ganacsiga iyo horumarkiisa.
Madaxweynaha Jamhuuriyadda Somaliland, Mudane Cabdiraxmaan Maxamed Cabdilaahi (Cirro) oo hadalka soo afmeeray, ayaa shaaciyey in Xukuumadda Waddajir &Waxqabad ay dhawaan daah furi doonto Sanduuqa horumarinta haweenka kaas oo kamid ahaa ballanqaadkii xisbiga Waddani ee xilligii ololaha, xukuumad ahaanna ay muhiimad gaar ah siinayaan kobcinta dhaqaalaha haweenka iyo maalgelintoodaba.
