Wafdi Uu Hogaaminayo Agaasimaha Guud Ee Hay’adda Shaqaalaha Dawladda Ayaa Gobolka AWDAL Ka Bilaabay Diwaan-galinta Xubnaha Shaqo Qaran iyo Dib-u-hubinta Shaqaalaha Diiwaan-gashan.
Hargaysa: (OWN)-Hay’adda Shaqaalaha Dawladda ayaa Gobolka AWDAL si rasmi ah uga bilawday diwaangalinta Xubnaha Shaqo Qaran oo ay dawladdu u aqoontay inay ka mid yihiin shaqaalaha Rasmi ah ee Dawladda iyo sidoo kale Dib-u-hubinta Shaqaalihii hore ay Hay’addu u diiwaan-galisay.
Saraakiisha Hay’adda Shaqaalaha oo uu Hogaaminayo Agaasimaha Guud ee Hay’adda, Xamse Suldaan Aaddan Faarax,ayaa sidoo kale waxay kulamo la’qaateen Isu-duwayaasha Laamaha Dawladda ee Gobolka,iyaga oo ku booriyay inay Xoojiyaan Wada-shaqaynta Badhasaabka Gobolka Iyo sidoo kale in qof kasta oo shaqaale ah u sameeyaan Xogtiisa gaar-ahaaneed ee laga tix-raacayo.
Safarkaas shaqo ee ay Saraakiisha Hay’adda Shaqaaluhu ku joogaan Gobolka AWDAL,ayaa waxa ku wehelinaya Agaasimaha Guud ee Hay’adda Maamul-wanaaga iyo La’dagaalanka Musuq-Maasuqa,Maxamed Cismaan Cilmi,waxaana uu sheegay inay Hay’ad-ahaan ay xoojiyanaan kor-u-qaadista tayadda adeeg iyo maamul ee Xafiisyadda Isu-duwayaasha Gobolka.
Gabo-gabaddii isu-duwaha Hay’adda Shaqaalaha Dawladda ee Gobolka AWDAL,Axmed Nuur Muuse Boosh oo halkaasi ka hadlay,waxa uu kula dardaarmay Shaqaalaha Gobolka inay ka midho-dhaliyaan dedaaladda la galinyo,isla-markaasna ay tayeeyaan adeegyadda ay Bulshadda u qabanayaan.
