“…Dhuunta Somaliland, waa Dekedda Berbera, Dekedduna Hadii aanay diffaac helin Ma jirayso, Ciidanka Ilaaladdu-na waa Laf-dhabarta Amniga Badda..”.
Maareeyaha Dekeda Berbera Eng. Siciid Xasan Cabdilahi, ayaa ka qaybgalay munaasibad balaadhan oo Ciidamada Badda ee Somaliland ugu dabaal-dagayeen sannaad guuraadii 23 ee kasoo wareegtay aas-aaskii Ciidamada Ilaaladda Xeebaha Somaliland.
Maareeyaha Dekeda Berbera Eng. Siciid Xasan Cabdilahi, ayaa sheegay inay halbowle muhiima kaga jiraan qaranka Somaliland, ciidanka ilaalada xeebaha, isagoo ku dheeraday wada-shaqaynta ka dhaxaysa Ciidamada Ilaalada Xeebaha iyo Dekedda Berbera, sidoo kale waxa uu maareeyuhuu amaan iyo boggaadin u jeediyey Taliyaha Ciidanka Ilaalada Xeebaha Ganaraal Maxamed Xiirane.
Maareeyaha Dekedaha Somaliland oo arrimaha ka hadlay waxa uu yidhi,
“… Ciidanka Ilaalada Xeebaha Somaliland Waxanu leenahay wada-shaqayn buuxda, Aadbaanu isaggu dhow nahay, Kaalinta ay kaga jiraan qaranka Somaliland waa laf-dhabar.
Dhuunta Somaliland, waa Dekedda Berbera, Dekedduna Hadii aanay diffaac helin jirayso, Somalilandna ma jirayso. Deked ahaan wax walbaa waanu Kala qaybqaadanaa, maadaama oo wadashaqaynta Dawladdu tahay mid taama gobol ahaan iyo guud ahaanba.
Waxan halkan mahad-dheerada uga soo jeedinayaa Madaxweynaha qaranka Somaliland Md. Muuse Biixi Cabdi oo dhiiri-geliyey cid kastaa oo Xil haysaa in Nin walba halkuu joogo hawshiisa ku qabsado. Mar kale waxan amaan usoo Jeedinay taliyaha ciidanka Ilaalada Xeebaha Ganaral Maxamed Xuseen ‘Xiirane’ oo runtuu meel sare gaadhsiiyey Ciidankan.
Mar kale waan Hambalyeynayaa Xuska sanaad guurada 23 ee kasoo wareegtay aas-aaska Ciidanka Ilaalada Xeebaha Somaliland. Sidoo kalena waxan Hambalyo Kal iyo laaba idinka sidaa shaqaale-weynaha Dekedda Berbera, oo idin leh guulaystaa”. Ayuu yidhi Maareeyaha Dekedda Berbera Siciid Xasan Cabdilahi.
