ONLF Oo ku eedeysay dawladda Itoobiya in ay ka baxday heshiiskii nabadeed ee 2018
ONLF ayaa ku eedeysay dawladda Itoobiya in ay ka baxday heshiiskii nabadeed ee 2018, taasoo muujinaysa in aanay ka goโnayn isbeddel dimuqraadi ah iyo nabad waarta.
War-saxaafadeed kasoo baxay ONLF ayaa lagu sheegay in cadaadis iyo xayiraad sharci darro ah lagu hayo xubnihiisa, taasoo caqabad ku ah ka-qaybgalka siyaasadeed ee shacabka Soomaaliyeed ee ku dhaqan Itoobiya.
Taariikh: Maarso 1, 2025
War-saxaafadeedka Jabhadda Wadaniga Xoreynta Ogaadeenya (ONLF)
Jabhadda Xoreynta Ogaadeenya (ONLF) waxay si rasmi ah u caddeynaysaa in xukuumadda Itoobiya ay si nidaamsan u baalmartay heshiiskii nabadeed ee la saxiixay 2018, taasoo muujinaysa in aanay ka goโnayn isbeddel dimuqraadi ah iyo nabad waarta.
Muddo lix sano ah, ONLF iyo taageerayaasheeda waxay la kulmeen cadaadis, cagajuglayn, iyo xayiraad siyaasadeed oo uga imanaysay xukuumadda federaalka iyo maamulka gobolka Soomaalida. Dawladdu waxay si sharci darro ah uga hor istaagtay ONLF ka-qaybgalka siyaasadda, iyada oo xisbiga laga diiday diiwaangelinta guddiga doorashooyinka Qaranka (NEBE). Intaa waxaa dheer, xukuumaddu waxay magaca ONLF u adeegsatay marin-habaabin si ay beesha caalamka ugu muujiso wada-hadal khiyaali ah, halka xaqiiqadu tahay in la caburiyay codkii dhabta ahaa ee matalayay shacabka Soomaaliyeed.
Inkasta oo ONLF ay dadaal badan gelisay ilaalinta heshiiska nabadda, xukuumadda Abiy Ahmed waxay si joogto ah uga meermeeraysay wada-hadalladii rasmiga ahaa, iyada oo ka fogaatay in ay wax ka qabato arrimaha xudduudaha dhulka Soomaaliyeed, maamulka kheyraadka dabiiciga ah, xuquuqda siyaasadeed, iyo cadaaladda bulshada. Waxa intaas dheer, xukuumaddu waxay sii wadday adeegsiga awood ciidan iyo xakameyn dhaqaale oo lagu cadaadinayo shacabka.
Kadib ballamo la baalmartay iyo khiyaamo siyaasadeed, ONLF waxay caddeynaysaa in aysan mar dambe la falgali doonin dawlad si badheedh ah u burburisay geeddi-socodkii nabadda. Sidaas darteed, ONLF waxay bilaabaysaa sahminta wadiiqooyin kale oo lagu xaqiijin karo goโaanka, cadaaladda, iyo sharafka shacabka Soomaaliyeed ee Itoobiya.
