Faahfaahin ka soo baxaysa Markab lagu afduubtay xeebaha Puntland oo la sii daayay
Howlgalka ATALANTA, ee Midowga Yurub ayaa xaqiijiyay in la sii daayay markabka “SAYTUUN-2”, oo ah doonidii kalluumeysiga ee Yemen isla markaana laga afduubtay deegaanka Garmaal, ee xeebaha Waqooyi ee Puntland.
17-kii Febraayo, EUNAVFOR ATALANTA ayaa lagu wargeliyay weerar looga shakisan yahay in burcad badeed ay gaysatay oo ay ku qaadeen doon uu ka babanaayay calanka Yemen, meel u dhow Garmaal, agagaarka Eyl, ee xeebaha Waqooyi ee Puntland (Soomaaliya).
Falkaan ayaa la sheegay in ay gaysatay burcad hubeesan waxaana doontu ay gacanta ugu jirtya burcadda 17-kii ilaa 22-kii bishaan February.
Howlgalka ATALANTA ayaa sheegay in si joogta ah ay ula socdeen dhacdadan, waxayna si dhow ula shaqaynayeen qolyaha ka shaqeeya ammaanka ee aaggaas ku sugan.
22-kii Febraayo, markabka kalluumaysiga ayaa burcad badeeddu banneeyeen, iyagoo qaatay qaar ka mid ah alaabihii shaqaalaha doonta saarnaa.Wararka ayaa sheegaya in shaqaaluhu ay hadda bad qabaan.
