Khamri laguma cabi doono cayaaraha adduunka ee 2034” Sacuudi Caraabiya
Waraysi uu siiyey LBC ayuu safiirka Sacuudiga u fadhiya UK amiir Khaalid bin Bandar Aala Sacuud ku sheegay in khamri aan lagu iibin doonin meel ka mid ah dalkiisa inta ay socdaan cayaaraha adduunka ee 2034. FIFA ayaa xaqiijisay in tartankaas uu sacuudigu marti gelin doono 2034.
“Wakhti xaadirkan, ma oggolin aalkol” ayuu yiri amiir Khaalid.
“Wax badan oo lagu baashaalo ayaa la heli karaa oo uusan ku jirin aalkol – ma aha khasab, haddii aad doonayso in aad cabto marka aad dalka ka tagto adiga ayaa u madax banaan, laakin hadda ma hayno aalkol” ayuu sii raaciyey.
Sacuudiga waxaa mamnuuc ka ah in lagu iibiyo ama lagu cabo khamriga.
