horXamaas oo shaaca ka qaaday magacyada lahaystayaasha ay sii deyn doonto beri oo Sabti ah
Kooxda Xamaas ee reer Falastiin ayaa maanta oo Jimce ah shaaca ka qaaday magacyada sedex la hayste oo ay sii deyn doonto maalinta berito ah si ay ugu badalato maxaabiis reer Falastiin ah oo ku jira xabsiyada Israa’iil.
Sedexda la sii deyn doono waxa ku jira nin haysta labada dhalasho ee Maraykanka iyo Israa’iil.
Yarden Bibas, Keith Siegel iyo Ofer Kalderon ayaa berito oo Sabti ah la sii deyn doonaa sida uu sheegay afhayeenka garabka hubeysan ee ururka Xamaas Abu Cubeyda oo qoraal soo dhigay barta Telegram.
Khamiistii Xamaas waxay sii deysay sedex Israa’iiliyiin ah iyo shan u dhashay Thailand halka Israa’iil ay sii deysay 110 maxbuus oo Falastiiniyiin ah.
Heshiiska xabad joojinta ee lagu joojiyay dagaalkii 15-ka bilood socday ayaa dhigayay in lixda todobaad ee ugu horeeya ay falastiiniyiintu sii daayaan 33 la hayste kuwaas oo lagu badalanayo boqollaal maxbuus oo falastiiniyiin ah oo qaarkood ku xukunnaa xabsi daa’in kuna jiray xabsiyada Israa’iil.
15 la hayste oo ay ku jiraan shan shaqaale oo Thailand u dhashay iyo illaa 400 oo maxaabiis falastiiniyiin ah ayaa la is weydaarsaday.
Sedex Israa’iiliyiin ah ayaa Khamiistii lagu badashay 90 maxbuus oo falastiiniyiin ah oo ay ku jiraan 9 xabsi daa’in ku xukunayd iyo 81 xabsiyo dhaadheer ku xukunnaa.
