NISA oo qabatay Gawaari Shidaal u siday Al shabaab
Wararka ka imaanaya deegaano hoostaga Degmada Baxdo ee Gobolka Galgaduud ayaa waxa ay sheegayaaan in ciidamada NISA ee qeybta Galmudug in ay xalay gacanta ku dhigeen laba gaari oo siday Shidaal iyo agab kale oo lagu tuhmay in loo waday kooxda Al-shabaab.
Illa wareedyo ayaa sheegaya in Labadaan gaari iyo raggii waday in lagu qabtay deegaano hoostaga Degmada Baxdo ee Gobolka Galgaduud waxaana loo gudbiyay taliska Nisa e Degmada Cadaado ee isla Gobolkaasi
Saraakiisha hoggaamineysay howlgalkaan ciidamadu ay kusoo qabteen labada gaari ayaa sheegay in baaritaano ay ku socdaan ragii watay gawaaridaan loo maleeynayo iney u socdeen dhanka dagaalamayaasha Al-shabaab.
Al-Shabaab ayaa culeysyadii ugu adkaa ku wajahaysa deegaanada Galmudug, Ciidanka Xoogga dalka, kuwa deegaanka iyo Darawishta Galmudug ayaana ku guuleystay xakameynta dhaq dhaqaaq kasta ee ku wajahan Goobaha gabaadka ay ka dhigteen Al shabaab.
Ciidamada Dowladda iyo kuwa dadka deegaanka ayaa sidaan oo kale marar badan gacanta ugu dhigay gawaari kooxda Al-shabaab u siday Shidaal iyo agabyo kale.
Ugu dambeyntii howlgalkaan ayaa kusoo aadaya, iyadoo maalmihii la soo dhaafay ciidanka xoogga dalka iyo kuwa dadka deegaanka ay ka wadeen howlgalo ka dhan ah kooxda Al-shabaab deegaano iyo degmooyin ka tirsan maamulka Galmudug.
