Kumanaan qof ayaa ka qaxay magaalada Goma iyadoo dagaalka uu sii kordhayo

Waxaa jira warar sheegaya in maxaabiis badani ay ka baxasadeen xabsiag magaalada,sdia ay muujiynayaan muuqaallada qaar ee internetka lagu faafiyay kuwaas oo ahaa maxaabiis baxsad ah.

Ilo dhanka ammaanka ah ayaa wakaaladda wararka ee AFP u sheegay in xabsiga oo ay ku jiraan 3,000 oo maxbuus “gabi ahaan la gubay” isla markaana xabsiga oo la jabiyay ay ka dhalatay dhimasho.

Mid ka mid ah muuqaallada lagu wadaagay khadka ayaa u muuqda mid muujinaya dad ka soo yaacaya dhismo dab ka kacayo. Qaylo dhaanta dadka ayaa la maqlayaa.

Waxaa soo baxaya warar sheegaya in dhacdadaasi ay dhimasho ka dhalatay.

Qeybo badan oo ka mid ah Goma ayaa laga jaray korontada iyo deegaano badan oo magaalada ka tirsan, iyadoo ay soo galeen jabhadahu.

Waddooyinka muhiimka ah ee ku hareeraysan Goma ayaa la xiray, iyadoo la jaray goobihii muhiimka ahaa ee laga geli lahaa, halka garoonka diyaaradaha ee magaalada ay shaqadiisu cuuryaantay.