Trump oo ciidamo milatari ah geeyay xadka dalkiisu la wadaago Mexico
Ku dhawaad 1,500 oo ka tirsan ciidamada Mareykanka ayaa lagu amray in la geeyo xadka Mareykanka iyo Mexico si looga hortago dadka muhaajiriinta ah ee xadka ka soo galaya.
Dhawr boqol oo askari ayaa la filayaa inay dhowaan ay tagaan halkaas oo ay ka hawlgeli doonaan isla markaana shaqadoodu waxaa ay noqon doontaa in ay ka hor tagaan dadka soo ka soo galaya xadka ee doonaya in ay Mareykanka soo galaan.
“Tani waa bilow,” ayuu yiri mid ka mid ah saraakiisha sare ee difaaca, isaga oo ku hadlaya xaaladdan cusub.
Sarkaal kale oo ka tirsan militariga ayaa sheegay in ciidamada aan weli la weydiisan in ay dejiyaan soogalootiga xarumaha militariga ee halkaasi ku yaalla.
Saraakiisha ayaa sidoo kale sheegay in ciidamadu ay qorsheynayaan inay taageero dhanka hawada ah siiyaan ilaalada xuduudaha, oo ay ku jiraan wiishashka hawada, iyo sidoo kale inay qorsheynayaan inay baarayaal sirdoon u diraan xadka.
