Falastiiniyiin faraxsan oo soo dhaweyay maxaabiis lagu sii daayay heshiiska Xamaas iyo Israa’iil
Dadweyne isugu soo baxay Daanta Galbeed ee la haysto ayaa soo dhaweeyay soo laabashada Falastiiniyiintii ugu horeysay ee lagu sii daayo heshiiska xabad joojinta ah ee Qasa.
Sagaashan qof ayaa xabsiga laga sii daayay maalintii ugu horreysay ee xabbad joojinta, in ka badan shan boqol oo baabuur oo gargaar ah ayaana u tallaabay dhanka Qasa.
Dhinaca Israa’iil-na saddex qof oo ka mid ah la haystayaasha Israa’iil ayaa Xamaas sii daysay Axaddii shalay waxaana la arkaya muuqaallo la baahiyay iyaga oo la midoobaya eheladooda.
