Dagaalamayaal kawada tirsan Al shabaab oo ku dagaalamay Gobolka Baay
Dagaalamayaal ka wada tirsan kooxda Al-Shabaab ayaa ku dagaalamay deegaanka Ceeldhuun-Adeegow oo qiyaastii 42km waqooyi galbeed ka xigta magaalada Baydhabo sida uu baahiyay Tvga Maamulka Koofur Galbeed ee Soomaaliya.
Tvga ayaa sheegay in Ilo-wareedyo lagu kalsoonaan karo ay xaqiijiyeen in dagaalka uu salka ku hayay muran dhaqaalaha Al shabaab ay ka qaadaan Shacabka.
Dagaalka ayaa sababay dhimashada afartameeyo kamid ah dagaalamayaasha Al shabaab, halka qaar kalena ay ku dhaawacmeen.
Tvga Maamulka Koofur Galbeed ayaa sheegay sidoo kale in xubnaha halkaas ku dhintay ay kamid ahaayeen Rag amiiro magac ku lahaa deegaanka Ceeldhuun-Adeegow ee Gobolka Baay.
Shacabka deegaanka Celdhuun-Adeegow ayaa muddo dheer la kulmayay culeysyo ka imaanayay kooxdaan Al shabaab, oo ku khasbi jirtay inay Lacago bixiyaan, Dagaalka dhexmaray Dagaalamayashan ayaa lagu soo warramayaa inuu cabsi iyo dhibaato hor leh ku abuuray dadka deegaanka.
