Madaxweynaha Somaliland oo Magacabay Masuuliyiin Cusub

Wareegto Madaxweyne.

Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro) waxa uu maanta oo ay taariikhdu tahay 14/01/2025 uu wareegto Madaxweyne ku magacaabay Wakiilka (UAE), La-taliyaha Madaxweynaha iyo Maareeyaha Haamaha Kaydka Shidaalka Qaranka ee Jamhuuriyadda Somaliland.

Markii aan arkay: Qoddobka 90aad ee Dastuurka Jamhuuriyadda Somaliland;

Markii aan arkay: Aqoontiisa, Kartidiisa, iyo Waayo-aragnimadiisaba;

Markii aan ku qancay: In uu hanan karo mas’uuliyadda ka dhalanaysa xilkan;

Markii aan sameeyey: La-tashi;

Waxa aan go’aamiyey;

1. In Mascuud Cabdi Cali Xasan laga bilaabo taariikhda maanta uu ahaado Wakiilka Jamhuuriyadda Somaliland ee dalka isu-tagga Imaaraadka Carabta (UAE).

2. In Dr Maxamed Cumar Xaaji Maxamuud laga bilaabo taariikhda maanta uu ahaado La-taliyaha Madaxweynaha ee Arrimaha Dibedda & Iskaashiga Caalamiga ah ee Jamhuuriyadda Somaliland.

+++++++++++++++++++++++++++++++++++++++++
MAGACAABIDA MAAREEYAHA HAAMAHA KAYDKA SHIDAALKA QARANKA EE JAMHUURIYADDA SOMALILAND.

[
Markii aan arkay: Qoddobka 90aad ee Dastuurka Jamhuuriyadda Somaliland;

Markii aan tixgeliyey: Ahmiyadda Haamaha Kaydka Shidaalka Qaranku u leeyihiin Horumarinta iyo kobcinta dhaqaalaha dalka;

Markii aan arkay: Aqoontiisa, Kartidiisa, iyo Waayo-aragnimadiisaba, isla markaana in uu hanan karo mas’uuliyadda ka dhalanaysa xilkan;

Markii aan sameeyey: La-tashi;

Waxa aan go’aamiyey;

In Maxamed Sidiiq Cabdillaahi Dhamme laga bilaabo taariikhda maanta uu ahaado Maareeyaha Haamaha Kaydka Shidaalka Qaranka ee Jamhuuriyadda Somaliland.

Allaa Mahad Leh

______________________________________________
Cabdiraxmaan Maxamed Cabdillaahi (Cirro)
Madaxweynaha Jamhuuriyadda Somaliland [