Galmudug iyo Puntland oo sheegay in ay xal ka gaareen dagaal beeleedyo muddo ka dhacayay qaybo ka tirsan gobolka Mudug
Maamullada Galmudug iyo Puntland ayaa xal ka gaaray colaad in muddo ah ka dhex jirtay beelo wada dega deegaanno ka tirsan gobolka Mudug.
Wasiirro iyo madax dhaqameed ka kala socday maamullada Puntland iyo Galmudug oo maalmahaanba ku howlanaa xalinta dagaalladan ayaa ugu dambeyn shalay ka soo saaray qodobbo meesha looga saarayo coladdaas iyo waxyaabihii dhaliyay.
Beelaha dagaallamay oo ka soo kala jeeda magaalada Galdogob iyo Koonfurta Gaalkacyo ayaa dagaalkoodu soo noqnoqday, waxaana uu salka ku hayay dhul-daaqsimeed.
Dad badan ayaa labada dhinacba kaga geeriyooday dagaalladaas mararka kala duwan dhacay.Marar hore oo xal laga gaaray ma noqon tallaabooyinkaasi kuwa sii shaqeya.
