Dabka ka kacay Los Angeles oo si dhaqso ah u faafaya iyo xaaladda oo sii adkaanaysa
Dab cusub ayaa ka kacaya qeybo ka mid ah magaalada Los Angeles ee gobolka California, halkaasoo in ka badan boqol kun oo qof lagu qasbay inay guryahooda ka cararaan.
Dabku in uu faafo waxaa qayb weyn ka qaadanaya dabeylo xooggan oo socda, waxaana adag in la xakameeyo.
Dhowr qof ayaa la soo wariyay in ay dhinteen.
Kooxaha dab damiska ayaa dadaal ku jira hase-yeeshee dabeysha ayaa ah caqabadda ugu weyn ee ay wajahayaan maadama tubooyinka biyaha laga tuuro aaney xajin karin mararka qaar oo dabeyshu ay hadba dhinac u weecinayso.
