Wasiirka Wasaaradda Amniga Gudaha oo kulan la qaatay Ururada Bulshada rayidka ah
Wasiirka Wasaaradda Amniga Gudaha JSL Mudane Cabdalle Maxamed Carab uu wehelinayo Taliyaha Ciidanka Booliska Sareeye Gaas Maxamed Aadan Saqadhi ayaa kulan la qaatay Ururada Bulshada rayidka ah ee Somaliland, kulankan oo ka qabsoomay Xafiiska Wasiirka.
Kulankan ayaa muhiimaddiisu ahayd isbarasho Wasiirka iyo Ururada Bulshada Rayidka ah, dhinaca kalena Wasiirka iyo Ururada Bulshada Rayidka ah ayaa iska xog-waraystay xaalad guud ee Dalka, Doorashooyinkii Dalka ka qabsoomay, kuwaasoo u dhacay xor iyo xalaal iyo wada shaqaynta Wasaaradda Amniga iyo Ururada Bulshada Rayidka ah.
Ururada Bulshada Rayidka ah oo uu Hogaaaminayo Gudoomiyaha Ururada Bulshada Rayidka Mudane Anwar Cabdiraxmaan Warsame ayaa Wasiirka uga mahadnaqay qaabiladda iyo soo dhowaynta, iyadoo la isla qaatay in si dhow looga wada shaqeeyo arrimaha Dawladnimada, Nabadgelyada iyo hanaanka Dumuqraadiyada.
