TV-ga Aljazeera oo laga joojiyay ka howgalidda Daanta Galbeed
Maamulka Falastiin ayaa sheegay in ay joojiyeen baahinta TV-ga caanka ah ee Aljazeera qeybo ka mid ah dhulka la heysto ee Daanta Galbeed, sababo la xiriira inuu ku kacay kicin iyo eex.
Aljazeera oo laga leeyahay dalka Qatar ayaa wax laga naxo ku sheegtay go’aankan oo ay ku tilmaantay “isku day lagu doonayo in lagu qariyo xaqiiqada dhacdooyinka ka dhacay dhulka la haysto”.
Waxay xiriir la leedahay xiritaanka Telefishinka warar uu tabiyay oo ku saabsan hawlgalkii weynaa ee dhawaan ay ciidamada ammaanka Falastiin ku qaadeen kooxaha Islaamiyiinta hubaysan ee xerada qaxootiga ee Jenin halkaas oo ugu yaraan 11 qof lagu dilay.
Telefishinka Aljazeera oo ay si weyn u daawadaan falastiiniyiinta, gaar ahaan wararka ku saabsan dagaalka Gaza, ayaa horey looga joojiyay Israa’iil.
