22 diyaaradood oo aan duuliye lahayn oo lagu soo riday – Ruushka
Wasaaradda difaaca ee Ruushka ayaa sheegtay in 22 diyaaradood oo laga leeyahay dalka Ukraine lagu soo riday lix gobol oo Ruushku habeenimadii xalay ahaa, kuwaas oo ay ku jiraan meelo ka fog xudduudaha Ukraine.
Farriin kooban oo lagu baahiyay baraha bulshada ee wasaaradda ayaa lagu sheegay in 10 diyaaradood oo nooca aan duuliyaha lahayn ah lagu soo riday gobolka Bryansk, halak kuwa kale lagu soo riday gobollada Oryol iyo Rostov, labana waxay ka dhaceen gobolka Belgorod.
Dhanka kale, magaalada caasimadda ah ee Kyiv, guri ayaa dab qabsaday ka dib markii uu burbur ka soo gaaray diyaarad aan duuliye lahayn.
Sida laga soo xigtay madaxa cusub ee maamulka militariga Kyiv, Timur Tkachenko, dabka, oo ka kacay degmada Darnitsky ee koonfur bari ee caasimadda, ayaa markiiba la damiyay.
