Dab khasaare geystay oo ka dhacay xerada qaxootiga ee Xagardheere
Dab khasaare xooggan oo geystay ayaa ka kacay xerada qaxootiga Xagardheere ee gobolka Waqooyi Bari ee Kenya. Dabka oo sida la sheegay ka kacay xarun shidaalka lagu iibiyo ayaa markii dambe faafay illaa ka saameeyey in kabadan 20 guri iyo goobo ganacsi oo goobta shidaal ka ag dhawaa.
Haddaba Yuusuf Dhaqane Kadiye oo ka mid ah odayaasha xeradaas ayaa ka warramay khasaaraha dabkaas.
“Guryo ka badan labaatan illaa soddon ayaa gubatay oo hanti badanna ay ku gubatay” ayuu sheegay Yuusuf.
Dabkan ayaa khasaare nafeed aan geysan. Dadka deegaanka ayaana damintiisa isugu tegay.
