Taageera Arsenal ah oo xabad lagu dhuftay isagoo u dabaal degaya guushii ay ka gaareen Manchester United
Muuqaalka taageere ka mid ah kooxaha kubadda cagta ee Arsenal, oo u dabaaldagayay guushii kooxdiisu ka gaartay Manchester United, ayaa la sheegay in lagu toogtay ilaaliye amn sugan Uganda.
Taageere kale ayaa dhaawacmay, ka dib markii ilaaliyaha amniga uu rasaas ku furay dadweyne faraxsan oo taageerayaal ah oo ku sugnaa makhaayad ku taal magaalada Lukaya ee bartamaha Uganda, oo ku dhawaad 100 km (62 mayl) u jirta caasimadda Kampala.
Dhacdadaan ayaa dhacday dhamaadkii ciyaarta, oo Arsenal ay ku guuleysatay 2-0.
Sida uu sheegay weriye maxalli ah oo la hadlay BBC, maareeyaha dhismaha ayaa ka carooday buuqa ay sameynayeen taageerayaasha faraxsan, wuxuuna amray ilaaliyaha inuu farageliyo.
Si kastaba, taageerayaashu ma aysan u hogaansamin digniinta ah inay yareeyaan buuqa.
Dhinaca kale, dhibanaha, oo lagu magacaabay John Ssenyonga oo 30 jir ah, ayaa ku dhintay goobta. Taageere kale oo muddo dheer taageersanaa Arsenal, Lawrence Mugejera, ayaa loo qaaday isbitaal si loola tacaalo dhaawaciisa.
Labada ilaaliye iyo maareeyaha dhismaha ayaa baxsaday kadib dhacdada, iyadoo booliisku ay weli ku daba jiraan
