Maydka Senator Gaagaab oo lagu aasay xabaal ku taala Gaalkacyo
Madax iyo shicib ayaa ka qayb galay salaadda janaasadda ee marxuum Gaagaab
Allaha u naxariistee waxa goordhow lagu aasay maydka Senator Maxamed Cali Yuusuf Gaagaab xabaal ku taala magaalada Gaalkacyo ee xarunta gobolka Mudug.
Maydka marxuumka ayaa diyaaraddii ka soo qaaday Turkiga waxay saaka gaysay magaalada Muqdisho, halkaas oo salaadda janaasadda ay kula tukadeen madax sare oo ka tirsan dawladda Soomaaliya iyo shicib fara badan.
Maydka ayaa markale la saaray diyaarad kale, waxana la geeyay magaalada Gaalkacyo, halkaas oo goordhow lagu aasay.
Senator Gaagaab oo ka tirsanaa Aqalka Sare ee Baralmaanka Soomaaliya ayaa sedexdii bishan ku geeriyooday dalka Turkiga.
