Dhisme deegaan ahaa oo ay dhulka la sintay Israa’iil maanta
Duqeymo xooggan oo Israel ay geysatay ayaa dhulka la simay dhismo deegaan ahaa oo ku yaallay bartamaha caasimadda Lubnaan ee Beirut.
Ugu yaraan 11 qof ayaa ku dhintay in ka badan 60 kalena waa ay ku dhaawacmeen weerarka.
Sida ay sheegtay wasaaradda caafimaadka Lubnaan. Dhismahan oo ka kooban 8 dabaq ayaa gabi ahaanba la burburiyay digniin la’aan.
Shan gantaal ayaa waxay ku dhaceen degmada aadka loogu badan yahay ee Basta ee ku dhextaalla caasimadda, sida ay sheegtay wakaaladda wararka ee Lubnaan ee NNA.
Qaraxyo ayaa gilgilay magaalada kadib weerarkii Israa’iil, kaasoo dhacay abbaare 04:00 xilliga maxalliga ah ee dalkaas Sabtidii.
Militariga Israa’iil ayaan wax hadal ah oo degdeg ah ka bixin weerarka Basta.
