Spain: Toban qof oo ku dhintay dab ka kacay xarun daryeel
Ugu yaraan 10 qof ayaa ku dhimatay halka kuwa kale ay ku dhaawacmeen dab ka kacay xarun daryeel oo ku taalla meel u dhow Zaragoza, waqooyi-bari ee Spain, sida ay sheegeen adeegyada gurmadka.
Dabka ayaa ka kacay magaalada Villafranca de Ebro aroornimadii Jimcaha, waxaana mas’uuliyiinta maxalliga ah ay sheegeen in 82 qof ay ku noolaayeen xarunta xilligii uu dabku qarxay.
Xarunta ayaa la furay 16 sano ka hor iyada oo lagu xanaaneeyo dadka wayeeka ah, sida ay sheegayaan wararka.
Adeegyada gurmadka ayaa la wargeliyay ku dhawaad 05:00 (04:00 GMT) subaxnimadii Jimcaha, waxaana dab-damiyayaashu ku guuleysteen inay damiyaan dabka.
