Ururka Xisbullah oo sheegay in ay qaadeen weerarro ay ku beegsadeen goobo ay ku sugnaayeen ciidamada Israa’iil

Ururka Xisbullah ayaa ku dhawaaqay in saaka oo Khamiis ah ay gantaallo iyo madaafiic la beegsadeen goob ay ku kulansanaayen askarta Israa’iil taasoo ku taalla bariga magaalada Khiyaam.

Horay Xisbullah ayaa u sheegtay in gantaallo iyo diyaarado aan duuliye lahayn ay ku weerareen saldhigyada ciidamada Israa’iil iyo xerooyinka lagu tababaro ee koonfurta Haifa iyo bariga Tel Aviv.

Ururka ayaa bayaano isdaba joog ah ku sheegay in dagaalyahanadoodu ay beegsadeen ciidan ka kooban 12 askari oo Israa’iiliyiin ah, waxayna qaadeen weerar isku dhafan oo loo adeegsaday gantaallo tayo sare leh iyo diyaaradaha aan duuliyaha lahayn ee Drones-ka.

Weerarradaan ayaa imaanaya xilli hoggaamiyaha cusub ee Xisullah uu sheegay in ay sii wadayaan qorshayaashooda dagaalka ay kula jiraan Israa’iil.