Ciidanka Booliska oo Gacanta ku dhigay Raga Rabashado Sameeyaay.
Ciidanka Booliska JSL ayaa gacanta ku soo dhigay Saaka saddex qof oo ku eedaysan in ay ka qeyb qaateen rabshadihii ka dhacay Xaafadda Siiney ee degmada Axmed Dhagax 28-kii bisha.
Hawlgal iyo baadhid uu sameeyay Ciidanku ayuu eedaysanayaashan gacanta kusoo dhigay , waxaanay ku jiraan gacanta Booliska, tirada illaa hadda kiiskaasi loo hayo ayaa ah 8 qof , sidoo kale Ciidanku wuxuu ku raad-joogaa xubno kale oo baxsada. baadhidu markay dhamaato waxa degdeg loo horgayn doonaa Ha’yaddaha garsoorka .
Taliska Ciidanka boolisku waxa uu bulshada ugu baaqayaa in ay ilaaliyaan xasilloonida iyo nabadgelyada , waxaanan Xisbiyada iyo ururada Qaranka u soo jeedinyaa in ay u hogaansamaan shuruucda dalka.
.
