Madaxweynaha Puntland oo sheegay inuu la dagaallamayo musuqmaasuqa
Madaxweynaha maamulka Puntland Siciid Cabdullaahi Deni ayaa sheegay in maamulkiis waxyaabaha horyaalla ee u baahan wax ka qabashada ay ka mid yihiin la dagaallanka musuqa iyo in la sameeyo daah-furnaan lag wajaho talooyinka iyo halka loo socdo.
Deni oo khudbad ka jeedinayay xalay xaflad lagu qabtay Garoowe oo lagu xusyay 26- guuradii ka soo wareegatay markii la aasaasay Puntland, ayaa sheegay in sidoo kale ay muhiim tahay in si wada jir ah looga shaqeeyo u sinaanta fursadaha dowladda, sida shaqooyinka iyo mashaariicda kale.
