Xabsiga ayaa laga soo daayay ka dib ku dhowaad nus qarni oo u xirnaa dambi uusan geysan
Garsoore ku sugan magaalada Oklahoma ayaa xabsiga ka siidaayay nin ku dhawaad nus qarni u xirnaa dil dhacay sanadkii 1974-kii ee uusan geysan, kaasoo ahaa xukunkii ugu dheeraa ee qof khalad loo xukumo ee lagu fuliyo gudaha Mareykanka.
Glynn Simmons, oo 70 jir ah, ayaa la sii daayay bishii Luulyo markii garsooruhu uu amray maxkamadeyn cusub.
Laakiin qareenka degmada ayaa sheegay Isniintii inaysan jirin cadeymo ku filan oo lagu dammaanad qaadi karo kiiska.
Amarka oo soo baxay Talaadadii, ayuu Garsooraha Degmada Amy Palumbo ku dhawaaqday in Simmons uusan wax dambi lahayn.
Mr Simmons ayaa xabsiga ku jiray 48 sano, hal bil iyo 18 maalmood kadib markii lagu helay dilka Carolyn Sue Rogers xilli uu ka dhacay dukaan khamri ah oo ku yaala xaafada Oklahoma City. Taas oo ka dhigaysa maxbuuskii ugu mudada dheeraa ee xabsiga laga soo saaro, sida laga soo xigtay diiwaanka qaranka Mareykanka.
Simmons waxa uu ahaa 22 sano jir markii isaga iyo eedaysane Don Roberts lagu xukumay dil toogasho ah sannadkii 1975-kii.
Dadka sida khaldan loo xukumay ee Oklahoma jooga waxay xaq u leeyihiin ilaa $175,000 oo magdhow ah. Mr Simmons waxa uu hadda la tacaalayaa kansarka beerka
