Dagaal Khasaare Geystay Oo Galabta Dib Uga Qarxay Gobolka Sool.
Wararka naga soo gaadhaya deegaanka Adhi-caddeeye oo 30KM dhanka waqooyi kaga beegan Magaalada Laascaanood ee Xarunta Gobolka Sool ayaa sheegaya in halkaasi uu Galabta ka dhacay Dagaal u dhexeeya laba Malayshiya-beeleed.
Colaadda Labada Beelood ayaa mudda sannado ah soo jiitamaysay balse sida wararku sheegayaan Dagaalka Maanta uu ka bilwoday bogcado dhul oo ku yaalla Degaanka Adhicaddeeye kadib markii ay isku qabsadeen Malayshiyaad ka tirsan Labada dhinac.
Khasaaraha Dagaalkan ayaa ilaa iyo hada lagu sheegay dhaawaca hal ruux iyadoo uu haatan Dagaalka joogsaday islamarkaana ay halkaas gaareen Ciidamo ka tirsan Somaliland
Gobolka Sool waxaa sannadihii u dambeeyay ka dhacayay Dagaal beeleedyo khasaare badan dhaliyay kuwaas oo dhexmaray Beelo ood wadaag ah inkastoo qaarkood markii dambe Xal Nabadeed laga gaaray.
