Xisbiga KULMIYE Oo Soo Bandhigaya Labada Musharrax Ee Guddoomiye ku-xigeenka 1aad iyo 2aad Ee Golaha
Xisbiga tallada haya ee KULMIYE ayaa la filayaa inuu maal-maha soo socda shaaciyo laba kamid ah xubnaha Musharraxiintiisa ugu tartamaysa doorashada shir guddoonka Golaha Wakiillada Somaliland
Madaxweynaha Somaliland ahna Guddoomiyaha Xisbiga KULMIYE Muuse Biix Cabdi,ayaa isagu hore u shaaciyey Musharrax jagada Guddoomiyaha Golaha Wakiillada ah Xildhibaan Yaasiin Xaaji Maxamuud Xiir Faratoon,balse Xisbiga tallada haya ee KULMIYE ayaan shaagin illa hadda Musharraxiinta ugu tartamaysa jagooyinka Guddoomiye ku-xigeenka koobaad iyo Guddoomiye ku-xigeenka labaad ee Golaha Wakiillada Somaliland.
Dhanka kalena Xisbiga KULMIYE ayaa la sheegay inuu maal-maha soo socda uu shaacinayo Musharraxiintiisa ugu tartamaysa jagooyinka Guddoomiye ku-xigeenka koobaad iyo Guddoomiye ku-xigeenka labaad ee Golaha Wakiillada Somaliland,kuwaas oo aan si dhab ah loo oggeyn illaa hadda magacyadooda iyo degaanadda ay ka soo kale jeedaan..
Geesta kale Xisbiyadda ishabaysiga Mucaaradka Somaliland ee UCID iyo WADDANI ayaa iyagu shaaciyey xubnaha Musharraxiinta shir Guddoonka Golaha Wakiillada,kuwaas oo kale ah Musharraxa Guddoomiyaha Golaha Wakiillada Cabdirisaaq Khaliif Axmed iyo Musharraxa Guddoomiye ku-xigeenka koobaad Cumar Jaamac Faarax,halka Musharraxa Guddoomiye ku-xigeenka labaad yahay Cali Xaamud Jibriil.
Si kastaba ha-ahaatee Xisbiga KULMIYE ayaa la sugayaa waxa uu la shir iman doonno ee uu muddada ka shaqaynayey,maddaama maal-maha soo socda la filayo in hoggaanka KUMIYE uu shaacinayo Musharraxiinta ugu tartamaysa jagooyinka Guddoomiye ku-xigeenka koobaad iyo Guddoomiye ku-xigeenka labaad ee Golaha Wakiillada Somaliland.,waxaynu dhawrnaa waa maal-maha soo socda iyo shaacinta Xisbiga KULMIYE uu shaacinayo labada Musharrax ee ugu tartamaya Guddoomiye ku-xigaanada Golaha Wakiillada Somaliland.
