Wasaarada Caafimaadka Xukuumada Soomaaliya ayaa ka jawaabtay hadalkii kasoo yeedhay Wasiirka Warfaafinta Soomaaliya oo ku Aadaa in qof kasta oo xiligan dhinta Ay u  Aqoonsan yihiin in uu dilay cudurka Caronavirus

Wasiir ku xigeenka Wasaarada Caafimaadka Maxamed Saciid ayaa sheegay  in  hadalka kasoo yeedhay Wasiir Maareeye uu yahay mid aan Xaqiiqo aheyn, waxaanuu  xusay in wasaarada Caafimaadka warbixinada ay soo saartay yihiin kuwa cilmi ku dhisan oo laga fiirsaday.

”Xaqiiqda dhimashada cudurkaasna waa Tiradii aan shaacinay, laakiin waxaan lee nahay, waxa la sheegayo waa inay cilmi ku dhisnaadaa  oo baadhitaan ku cadaadaan”ayuu yidhi Wasiir kuxigeenka Caafimaadka Soomaaliya Maxamed Saciid C/llaahi.

Hadalkan kasoo yeedhay Wasaarada caafimaadka xukuumada Soomaaliya ayaa kusoo aadaya xili Wasiirka Warfaafinta ka dhawaajiyay hadal shaki badan Abuuray oo tilmaamaya in dowladu  dadka dhinta Dhamaantood u Aqoonsan tahay kuwa uu dilay cudurka Caronavirus.