Xisbi diidan soo galootiga oo guul ka gaadhay doorashada Jarmalka
Xisbiga ka hortagga soogalootiga ee Jarmalka (AfD) ayaa u dabbaaldegaya “guul taariikhi ah”, isagoo guul weyn ka soo hoyiyey doorashadii ka dhacday dalkaasi gaar ahaana gobolka bariga Thuringia.
AfD, ayaa ku dhawaad saddex meelood meel ka helay codadkii la dhiibtay, isagoo sagaal dhibcood ka sarreeya xisbiga muxaafidka ah ee CDU.
Natiijadu waxay siinaysaa xisbiga midigta fog guushii ugu horeysay ee doorashada baarlamaanka gobolka tan iyo dagaalkii labaad ee aduunka, inkastoo aysan rajo ka qabin inay dowlad ku soo dhisaan Thuringia sababtoo ah xisbiyada kale uma badna inay la shaqeeyaan.
Natiijadii halkaas ka soo baxday ayaa siisay xisbiga CDU 31.9% codadka, AfD, ayaa aad uga horreeya saddexda xisbi ee maamula dawladda qaranka – Social Democrats, Greens iyo FDP.
Chancellor Olaf Scholz, ayaa sheegay in natiijadu ay tahay mid “qaraar” wuxuuna ugu baaqay xisbiyada kale ee caadiga ah in ay dhistaan dowlad goboleedyo aysan xaquuq ku lahayn kuwa midigta fog.
“AfD waxay dhaawacaysaa Jarmalka, waxay wiiqaysaa dhaqaalaha, kala qaybinta bulshada iyo sumcadda dalkeenna,” ayuu ku yiri hadal uu siiyay Reuters.
Musharaxa ugu sareeya xisbiga AfD ee Thuringia, Björn Höcke, oo ah nin aad loogu muransan yahay gudaha Jarmalka, ayaa bogaadiyay “guusha taariikhiga ah” ee ay gaareen.
