Doon sidday qaad Soomaaliya loo waday oo ku quustay Kenya

Hal qof ayaan weli la helin, ka dib shil ka dhacay biyaha Mkokoni-mlango wa Chanu ee Ismaamul hoosaadka Lamu.

Wararka ayaa sheegaya in labo ruux laga soo badbaadiyay doonida degtay subaxnimadii Jimcaha.

Saddexda qof ee shilku ku dhacay, ayaa waxaa ka soo qaaday diyaarad Mokowe Jetty oo ku taalla galbeedka Lamu, waxayna ku sii jeedeen magaalada dhacda xuduudka ee Kenya iyo oo layiraahdo Kiunga Somali.

Akhbaartani ayaa lagu helay dhanka, iyadoo lasoo gaarsiiyey madaxa Adeegga Duurjoogta Kenya, Willy Osoro, abbaare 11 subaxnimo.

Isla markiiba koox buu isku duba riday, oo u kicin tantay goobtii. Markii ay gaareen goobtii, laba ka mid ah shaqaalihii doonta, ayaa lagu guuleystay in la badbaadiyo, laakiin nin lagu magacaabo Musa Mikdad Bonge, ayaa weli la la’yahay.

“Waxaa na soo wacay koox samata bixin ah oo ka socotay Mkokoni, oo sheegay in doon lagu magacaabo ‘Mwana-Mpesi’ oo ku sii jeeday Kiunga oo ka timid Mokowe ay ku dagtay Mlango wa Chanu. laakiin naaquudihii doonta wali waa la la’yahay,” ayuu yiri Warden Osoro.

Hawlgalka baadigoobka iyo samata bixinta, ayaa hadda socda, waxaana fulinaya koox ka kooban hay’ado kala duwan.

Si kastaba ha ahaatee, xaaladaha haatan ee badda, ee ah iney dhacayaan dabeylo wata roobab culus, ayaa caqabado la taaban karo ku noqday kooxda samata bixinta.

Isaga oo ka jawaabaya dhacdada, mudane Bwana Bwana, oo ah xubin katirsan degmada Kiunga ee golaha deegaanka, ayaa ku booriyay kalluumaysatada iyo dadka kale ee isticmaala badda, in ay taxaddar muujiyaan marka ay isku biimaynayaan badda, gaar ahaan xilligaan oo ay biyuhu aad u kacsan yihiin.

“Waaxda saadaasha hawada waxay soo saartay talo ku saabsan xaaladaha badda ee kacsan bishan.

Waxaan u soo jeedinayaa kalluumaysatada iyo dadka kale ee isticmaala badda inay taladan si dhab ah u qaataan oo ay taxaddaraan. Dhanka kale, waxaan si hagar la’aan ah uga shaqaynaynaa sidii loo heli lahaa naaquudihii doonta ee maqan,” ayuu yiri mudane Bwana.

Iyadoo ay socdaan dadaallada baadigoobka iyo samata bixinta, mas’uuliyiintu ayaa waxay ku boorinayaan dadka kale inay feejignaadaan inta ay badda marayaan, ayna u hoggaansamaan dhammaan digniinaha iyo talooyinka, si loo sugo ammaankooda.