Maxkamadda Sare Ee dalka Seychelles Oo Loo Gudbiyey Dacwad Ka Dhan Ah Soomaali Loo Haysto Falal Burcad-badeednimo
Maxkamada Sarre ee Seychelles ayaa si rasmi ah loogu gudbiyey dacwad ka dhan ah shan qof oo Soomaali ah kuwaasi oo ku eedeysan falal burcad-badeednimo, sidda uu sheegay Booliska dalkaas.
Nimankaas oo aanan magacooda lala wadaagin war-fidiyeenka ayaa waxaa bishii April ee sanadkan u gacan-geliyey dowladda wadankaasi ciidamada Midowga Yurub ee la dagaalanka shufta badeeda Soomaalida.
Fadhiga koowaad ee maxkamaddeynta oo qabsoomay, Isniin, April 29-keeda, ayaa waxaa lagu dhageystay gar-maqalka dacwadda xili la faray in eedeysanayaasha xabsiga lagu sii hayo illaa iyo 7-da bisha June ee sanadkan.
Bileyska ayaa laga soo xigtay in dhageysiga labaad ee maxkamadeynta ay qabsoomeyso taariikhdaasi, wallow aanay kala caddeyn hadii xukun lagu ridi doono kulankaasi ama in caddeymaha lasoo bandhigayo.
Mid kamida shaqsiyaadka la tuhunsan yahay oo lasoo qabtay laguna soo wareejiyay mas’uuliyiinta Seychelle bishii November 2017-kii ayaa dib loogu soo celiyey Soomaaliya, December 2018-kii.
Talaabada ciidamada Midowga Yurub ee la dagaalanka burcad-badeeda Soomaalida ay dhalinyaradaan ugu wareejiyeen Seychelles ayaa qayb ka ah heshiis is-weedaarsiga dambiileyaasha.
Seychelles, jaziirad juquraafi ahaan ku dhow xeebta Soomaaliya oo door fir-fircoon ka qaadatay la dagaalanka burcad-badeeda ayaa saaxiibada caalamka ka taageerta soo qabqabshada shutfa badeeda.
Sanadkii hore 2015-kii, waddankan ayaa waxaa uu sameystay maxkamad casri ah, taasi oo dhageysata isla markaana xukuno ku ridda kiisaska la xiriira dambiyada burcad-badeednimada.
Maraakiibta ku sugan biyaha Soomaaliya ee sheegta in ay la dagaalamaan burcad-badeeda ayaa qudhooda wajahaya eedeymo ku aadan xaalufinta kaluunka iyo in ay beegsadaan kalluumeysatada Soomaaliyeed.
