Bah-dii Cadaaladda & Garsoorka Dalka Oo Maanta Lumisay Masuul Ay Taariikhdu Xusi Doonto.

Waa Ayaan Darro In Waaxda Garsoorka Dalku Lumiso Sharci-yaqaan Leh Khibradda Intaa Leeg Kana Soo Shaqeeyay Badi Gobolada Dalka & Darajooyinka Kala Duwan Ee Waaxaha Garsoorka & Bah-da Cadaaladda.

Waana arin u baahan in xal loo helo waxyaalaha keenaya dhacdan oo kale oo runtii ku badan waaxda  garsoorka dalka & bahda cadaaladda.

HADABA :-

:Jamaal Axmed  (Cagaweyne),waa Garsoorayaashii u Cadaaladda wanagaagsanaa Ee Taariikhda Somaliland, iyada oo uu wakhtiguna uu xusi Doono.

2011, Xisbiga Kulmiye markii uu dalka Qabsaday waxaa uu ku dhawaaqay  Dib u habaynta Cadaalada iyo Garsoorka. Jamal cagoweyne waxaa uu ka mid ahaa dhalinyaradii u horaysay ee Lagu  daray Garsoorka Somaliland isaga oo loo magacaabay Garsoore Gobol. si ay u toosiyaan Cadaalada Dalka.garsoorka isaga oo ku caan ah,Aftahanniimo, aqoon sharci iyo ku dhac.

22/12/2011  Magacaabis Garsoore

1.Jamaal Axmed  (Cagaweyne), waxa loo magacaabay Garsoore Maxkamadda Gobolka Saaxil

2. December 2013.Badal Garsooraha Maxkamada Gobolka M/jeex,Hargaysa.

3. 2015 -2018 waxaa u ahaa garsooraha maxkamada Rafcaanka M/jeex, Ee ugu cadcad isaga oo ku suntanaa cadaalad iyo Goaanqaadasho, iyo Hufnaan!.

Waxaa uu soo noqday garsoore maxkamada gobolka,saaxil,Barbara.

Garsoore maxkamada Gobolka M/jeex,Hargaysa

Garsoore  rafcaan Gobolka  M/jeex,hargaysa.

Madaama uu soo dhamaystay dhamaan Darajooyinka maxkamadaha waxaa uu ahaa shaqsiga qudha ee u qalma ama inuu Noqdo Gudoomiyaha maxkamada sare  Ee JSL.

25/10/2018 waxaa uu ka tagay iskana casilay xilkii &  shaqadii uu qaranka u hayay.

Sidaa darteed su’aasha jawaabta u baahani waxay tahay  waa maxay sababta keentay inuu maanta iska casilo Kana tago xilkii uu garsoorka qaranka u hayay

             Faalo Kooban

Waa Maxay Sababta Layskaga Casilaayo Ama Looga Tagaayo  garsoorka Somaliland?

Warar aanu ka helnay ilo Xogogaal ah aayaa sheegay In Garsoore Jamal Cagoweyne oo ka mid ahaa Garsoorayaasha Maxkamada Rafcaanka  M/jeex,Hargaysa uu xilkii Iska casilay.

Garsoore jamal Cgoweyne oo ka Mid ahaa garsooreyaasha ugu miisaanka  culus ee Maxkamada Hargaysa, inuu shaqadii uu iskaga tagay,  oo uu is casilaadiisii shaqo ka tagista,uu u gudbiyay  gudiga Cadaalada oo uu hogaaminaayo Gudomiyahay Maxkamada sare.wararka ayaa sheegay inuu iskaga tagay shaqada kadib markii loo badaley Gobolka Togdheer,ee Burco. Halka qaarkalanaya ay sheegayaan in uu arrimo isaga u gaar ah  dartood inuu uga tagay shaqada. Si kastaba ha ahaatee waxaa baryahan danbe isi soo taraaya garsoorayaasha iyo xeer ilaaliyaasha  iskaga tagaaya shaqada , iyada oo garsoorka Somaliland uu soo maray Duruufo iyo xaalada ka adag  tan maanta  ay ku jiraan bahda garsoorka.?

Xigasho : Jamaal Axmed Caga-weyne.

Tell: 0634401010.