Komiishanka Doorashooyinka Qaranka JSL Oo Maalmo U Kordhiyey SOOL, SANAAG iyo SAAXIL.

Guddiga Doorashooyinka Qaranka Somaliland oo soo gebo-gabeeyey qaybinta Kaadhka Codbixinta, ayaa maalmo u kordhiyey, goobo gaar ahna u cayimay gobollada Sool, Saaxil iyo Sanaag oo wejiga koowaad ee kaadh-qaybinta laga bilaabay 11-kii bishan Maarso 2021.
Qoraal wargelin ah oo ay soo saareen Guddiga Doorashooyinka Somaliland, ayey ku Caddeeyeen maalmaha la kordhiyey iyo degmo kasta goobaha laga sii qaadan karo kaadhadhka maalmahaas dheeraadka ah,waxaanu qoraalkaasi u dhignaa sidatan:-
“KDQ ayaa ku dhawaaqay Muddada & Goobaha Kordhinta Kaadh-qaadashada Gobolladda Saaxil, Sool & Sanaag. Muddadii 3-da Cisho ahayd ee hore loogu asteeyey Gobolladdan ayaa ku eekayd 13-kii March 2021.
Codbixiyayaasha Isdiiwaangeliyey Diiwaangelintii 2020/2021 amma kuwii Isdiiwaangeliyey 2016 hase ahaatee aan wali qaadan Kaadhadhkoodii ayaa haysta fursad dahabiya oo ay ku doontaan Kaadhadhkoodii muddada lagu gudo-jiro Ayaamaha Dheeraadka ah ee la Kordhiyey.
Iyagoo tagaya Degmadii ay iska Diiwaangeliyeen gaar ahaana Goobta Kordhinta ee ku cayiman #Ogaysiiska KDQ ee hoos ku xardhan.” Sidaa ayey qoraalkooda ku yidhaahdeen Komishanka doorashooyinka Qaranka Somaliland.

home

Related Articles

Back to top button

Adblock Detected

Please consider supporting us by disabling your ad blocker