Badhasaabka Gobolka Badhan Oo Looga Shakisan yahay Inuu Puntland Ku biirrayo
Badhan(OWN) waxa muddooyinkan danbe bulshadu si weyn u hadal haysey isusoo dhowaansho iyo xidhiidh intii hore ka debecsan oo dhexmarayey Badhassabka Somaliland ugu magcaaban gobolka Badhan ee Sanaag-bari Cali Xuseen Soomaali iyo Mas’uuliyiin Puntland ah.
Waxana sidoo kale maalinba maalinta ka danbaysa hoos usii dhacaysa kalsoonida bulshada degaannada Sanaag-bari ee dhinaca Somaliland, taasoo marnaba aanu badhasaabku isku deyin inuu habayaraatee waxuun dhinaca Somaliland ee uu badhasaabka u yahay uga kasbado quluubta bulshada degaannadaas.
Arrimahaas iyo qaar kale marka la eego waxa la odhan karaa badhasaabka gobolka Badhan Cali Xuseen Soomaali wuxu u muuqdaa mid qarka usii saaran inuu ku biiri doono maammulka Puntland.
Oodweynenews.com/Badhan
