Caruuskii, Caruusaddii iyo Labadii malxiis Oo Ku Sumoobeen Caano Ay Cabeen.
Sanaag(OWN)- Qoys aroos ah ayaa deegaanka Xingalool ka tirsan gobolka Sanaag ayaa ku sumoobeen caano ay cabeen.
Caruuskii, Caruusaddii iyo Labadii malxiis ayaa ka mid ahaa 17 kale oo ku sumoobay caanahay ay cabeen waxaana ay hadda yaallaan dhammaaantoos cisbihtaalka magaalada Xingalool ee gobolka Sanaag.
Waxaana la sheegayaa in 21 qof ay hadda jiifaaan cisbitaalka magaaladan iyadoo xaaladooda caafimaad lagu dedaalayo.
Dr Cabdirisaaq Cabdullahi Japan oo aan La hadlay Warbaahinta ayaa sheegay in baaadhitaan ay sameeyeen ay Ku ogaadeen in caanaha oo laga lisey Riyo La talaalay ay keentay suntan wuxuuna xusey in marka xoolaha la talaalo aan la isticmaali karin Cadkooda iyo caanahooda Ilaa 45 Cisho.
“Bukaannada ayaa aad u Shubmaya, Matagaya , Qaarkoodna waxay kujiraan Kooma” ayuu yidhi Dr. Japan.
Dhakhaatiirta Magaalada ayaa soo jeediyey in aan Xingalool iyo Miyigeedaba laga isticmaalin Caano muddo 3 maalmood ah .
Laba Todobaad ka hor ayaa la talaalay xoolaha gobolka Sanaag siiba Ariga iyadoo caanaha xoolaha ama hilibkiisa la isticmaalin 45 cisho talaalka kadib.
