” Puntland Waxa Ay Ballan-qaadaysaa In Aanu Dagaalku Istaagin, Inta Dalka La Xoraynayo …” Madaxweyne Ku-xigeenka Puntland
Buuhoodle(OWN)- Madaxweyne ku xigeenka Puntland Cabdixakiim Cabdullaahi Xaaji Cumar (Camey) iyo wafdi uu hagaaminyo ayaa maanta si diiran loogu soo dhaweeyay magaalada Buuhoodle .
Madaxweyne ku xigeenka Puntland iyo wafdiga uu hogaaminayo oo shalay ka ambabaxay magaalada Garowe ayaa ku sii hakaday deegano hoose yimaada Buuhoodle oo xalay ay u howdeen.
Boqaal dadweyne ah ayaa maanta Madaxweyne ku xigeenka Puntland iyo wafdigii la socday kaga hortagay duleedka Buuhoodle, kuwaas oo ruxayay caleemo qoyan, calanka Puntland iyo kan Soomaaliya, sidoo kale waxaa soo dhaweynta ka qayb galay ciidamada kala duwan ee Puntland ee jooga magaalada Buuhoodle iyo deegaanada ku dhow.
