“Wasiirka Maaliyaddu Waxa Beesha Dhulbahante Ku Sheegay Dad Bilaa Diin Ah, Aniga Haddii Aanu Muuse I Khasbin Muqdisho Iyo Garoowe Tagi Maayo” Xaglotoosiye Oo Si Adag U Hadlay
Wasiirkii caafimaadka xukumaddii Siilaanyo Saleebaan Ciise Axmed Xaglotoosiye oo Dubai jooga ayaa si kulul uga hadlay xukumadda madaxweyne Muuse Biixi. Siyaasigan ka soo jeega gobolka Sool ayaa si weyn u saluugsan wasiirrada madaxweyne Biixi ka soo xushay gobollada Bariga waxaanu ku tilmaamay kuwo dhufaan ah oo uu ula jeedo kuwo xiniinyaha laga saaray oo bilaa faa’iido ah.
Mr Xaglotoosiye oo la waydiiyay in uu ka sii jeedo Somaliland wuxuu sheegay in uu yahay nin reer Somaliland ah laakiin, haddii madaxweyne Biixi sidan u sii wado qorshihiisa gobollada Bari ay u muuqanayso in lagu khasbo in uu Garoowe ama Muqdisho tagi karo.
