Oodweyne News - Latest Somali News Update

Madaxweynaha Dalka Iiraan Oo Ku Sheegay Khudbadii Trump Mid Ay ka Muuqatay Jaahilnimo

Madaxweynaha Dalka  Iiraan, Xasan Ruuxaani, ayaa khudbad uu ka jeediyay Qaramada Midoobay waxa uu si xooggan ugu cambaareeyay dhaleecaynta uu dalkiisu kala kulmay Madaxweynaha Mareykanka Donald Trump.

 

 

Xasan Ruuxaani ayaa sheegay in hadalkii weerarka ahaa ee ku jiray khudbaddii uu Trump  ka jeediyay Qaramada Midoobay uu ahaa mid uu ka muuqday jaahilnimo, wax laga yaqyaqsiyoodo iyo naceyb.
Madaxweyne Ruuxaani ayaa sheegay in dadkiisa aanay cabsi gelini doonin hanjabaadahaasi.

 

hqdefault
Madaxweyne Trump ayaa Iiran ugu yeeray dowladd musuqmaasuq ah oo keli talis ah oo colaadan faafinaysa, waxa kale oo Iiran uu ugu yeedhay hogaankeeda dilaaga ah, waxa uu yiri Iiraan waxay isku deydey in ay deganaansho la’aan ka abuurto Bariga Dhexe oo dhan.

 

 

Donald Trump ayaa ugu baaqay Iiran in ay joojiso taageerada ay u fidiso argagixisada isla markaana waxa uu canbaareeyay heshiiskii uu Obama la galay Iiraan.

 

 

Balse Madaxweyne Ruuxaani waxaa u difaacay heshiiskaasi waxa uuna sheegay in Iiran ay si adag uga jawaabi doonto hadii dal kamid ah kuwii heshiiska barnaamijka nukliyerka saxiixay u ku xadgudbo.