Taliska Ciidamada qaranka Somaliland Oo 10 maalmood ah u qabtay dadka deggan Dhulka Ciidanka
Taliska Ciidamada qaranka Somaliland ayaa muddo 10 maalmood ah u qabtay in ay iskaga guuraan dadka deggan Laynka Milatariga Hargaysa , Agagaarka Xerada Birjeex, Iyo Xero Ruushta.
Sidaana waxa lagu sheegay qoraal ka soo baxay taliska guud ee Ciidanka qaranka.
Waxaana uu u dhignaa sidan.
“Taliska Guud ee C/Qaranka JSL waxa uu Ogaysiinayaa laga Bilaabo Maanta oo ay Taariikhdu tahay 14/03/2022. In Dadwaynaha shacabka ah ee Degan Goobaha C/Qaranka leeyahay ee hoos ku qoran in ay kaga guuraan 10 cisho Gudahood, waana sidan Goobaha laga guurayaa:-
1. Laynka Milatariga Hargaysa.
2. Agagaarka Xerada Birjeex.
3. Xero Ruushta.
Sidaa daraadeed, Dadwaynaha degan goobahan kor ku xusan waxa la farayaa in ay waqtiga dhawraan”.
