FBI-da Maraykanka Oo Xabsiga U Taxaabay Roger Stone Oo Ahaa Lataliye Sare Madaxweyne Trump.
USA-(OWN)-Roger Stone, oo la-taliye u ahaa ololaha doorasho ee madaxweyne Trump ayaa waxaa maanta xidhay hay’adda dambi baadhista Mareykanka ee FBI-da.
Stone ayaa waxaa loo xidhay dhowr eedeymo oo la xidhiidha baadhitaanka uu dacwad oogaha gaarka ah ee Mareykanka Robert Mueller ku hayo faro-gelinta Ruushka ay ku sameeyeen doorashadii madaxtinimo ee Mareykanka ka dhacday sanadii 2016.
Wakiilada FBI-da ayaa Stone waxay ay subaxnimadii jimcaha ku xidheen gobolka ku yaalla Koonfurta Bari ee Mareykanka ee Florida, kadib markii xeer-beegti federal ah ay ku eedeeyeen shan kiis oo la xidhiidha inuu been sheegay iyo laba kiis oo mid uu yahay inuu hor-istaagay cadaalladda iyo midka kale oo ah inuu faro-geliyey marqaati furayaal.
