Wasiirka Duulista Hawadda Soomaaliya oo war ka soo saaray shirkaddaha diyaaradaha qaarkood
Wasiirka Wasaaradda Duulista Hawada ee Xukuumadda Soomaaliya Maxamed Cabdullaahi Salaad ayaa sheegay in diyaarad aan sharuudaha looga baahan yahay u dhameystirneyn aanay ka shaqo gali garin Garoonka Diyaaraha Adan cadde ee Magaalada Muqdisho.
Si loo hubiyo adeegyada ay u baahan yihin diyaaradaha kasoo dego iyo kuwa ka baxa Garoonka Aadan cadde ee magaalada Muqdisho iyo badqabka isticmaalka hawada dalka ayuu ku saleysnaa kormeerka maanta wasiirka Wasaaradda Duulista Hawada oo ay wehliyaan maareeyeyaasha Garoonka.
Maareeye ku-xigeenka Amniga iyo Maamulka Garoonka Duuliye Ceydaruus Axmed Kaahiye ayaa wasiirka uu sheegay in shaqada diyaaradaha ka soo dego oo kor u kacay, islamarkaan ay jiraan shirkado soo codsaday in ka Howlgalaan Gudaha dalka.
’’Maalintii diyaarahada kasoo dego karoonka waxaa ay gaadheen in kabadan 50 islamarkaana shaqada Garoonka ay Sii balaadhatay haatan waxaa jira codsiyo farabadan shirkado diyaarado oo rabo in ay ka howlgalaan gudaha dalka ’’’ ayuu yidhi Duuliye Ceydaruus Axmed Kaahiye.
Wasiirka ayaa faray Shirkadaha diyaaraha iney ka shaqeeyaan in rakaabyada ay heleen adeegyo dhammeystiran waxa kale uu sheegay in ganacsatada aan sharuudaha looga baahan yahay buuxinin aysan ka Howlgalin Karin Garoonka.
’’Laga bilaabo maanta ay tariiqdu tahay 12 07-2018 waxaa la farayaa in shirkadaha diyaaradaha ee ka Howlgalo Garoonka Aadan Cadde ee Magaalada Muqisho looga baahan yahay sharuudaha in ay shaqeeyaan badqabka rakaabka cidii dhammeystiri weydana aysan ka shaqeyn Karin Garoonka Adan Cabdulle Cismaan Aadan Cadde ’’ ayuu yidhi Wasiir Oomaar.
Wasiir Oomaar ayaa sidoo kale sheegay in Wasaraadda oo kaashaneysa Dowladda ay diyaar ula tahay shaqalaaha in la siiyo tababaro dheeraad ah si ay u guttaan shaqada loo igmadaya.
