Fanaaniinta Xasan Aadan Samatar, Axmed Cali cigaal, iyo Cawaale Aadan Oo Muqdisho Soo Gaadhay Qaybna Ka Ahaa Weftiga Madaxweynaha Jabuuti
Muqdisho(OWN)- Waxaa maanta magaalada Muqdisho soo gaadhay Fanaaniin caan ah oo sanado badan dalka ka maqnaa, fanaaniintan ayaana maanta qeyb ka ahaa safarka Madaxweynaha dalka Jabuuti ku yimi Muqdisho.
Fanaaniinta magaalada Muqdisho soo gaadhay waxaa kamid ah Xasan Aadan Samatar,Axmed Cali Cigaal iyo Cawaale Aadan, fanaaniintan ayaana sanado badan dalka ka maqnaa kadib markii ay ka carareen dagaaladii sukeeye ee dalka ka qarxay.
Madaxweynaha Jabuuti ay safarkiisa ku wehliyaan, Wasiiro, Xildhibaano, Saraakiil iyo Fanaaniin ayaa la filayaa in magaalada Muqdisho joogaan mudo labo cisho ah, waxaana magaalada ka dhici doona munaasabado kala duwan oo soo dhaweyn ah.
Garoonka Aadan Cadde ayaa hada waxaa ku sugan madax kala duwan iyo dadweyne badan oo halkaasi u jooga sidii ay usoo dhaweyn lahaayeen Madaxweynaha Jamhuuriyada Jabuuti Ismaaciil Cumar Geelle.
Alfanaan Xasana Aadan samatar Oo Kasoo degay garoonka Aadan Cade ee magaalada Muqdisho
